SHTOJCA 22:

Kurani, na informon që Jezusi ishte i dërguar njerëzor i Zotit misioni i vetëm i të cilit ishte të dorëzojë lajmin e Zotit; ai nuk posedoi asnjë fuqi, dhe tash ka vdekur (4:171, 5:75, 117). Ata që e konsiderojnë Jezusin të jetë Zot, ose të Birin e Zotit, ose pjesë të trinisë janë “pagan” (5:17, 72, 73). Studiues të Shquar të Krishterë kanë arritur në këto konkluzione të ngjashme (MITI I ZOTIT TË MISHËRUAR, John Hick, ed., The Westminster Press, Philadelphia, 1977 & MIT BËRËSI, Hyam Maccoby, Harper & Row 1986). Krishterimi është prodhim i Nicës (Konferencës në vitin 325 Pas Krishtit).

Jezusi i Biblës

Jezusi thirri dhe tha: “Kush beson në mua, nuk beson në mua, por në atë që më ka dërguar;…Sepse unë nuk kam folur nga vetja ime, por Ati që më ka dërguar më ka urdhëruar çka duhet të them e të shpall. Pasi që unë e di se urdhërimi i tij është jetë e përjetshme, gjërat, pra, që them unë, i them ashtu siç m’i ka thënë Ai.” [Gjoni 12:44-50]

“Unë s’mund të bëj asgjë nga vetja ime; gjykoj sipas asaj që dëgjoj dhe gjykimi im është i drejtë, sepse nuk kërkoj vullnetin tim, por vullnetin e atij që më ka dërguar.”[Gjoni 5:30]

Jezusi tha: “Doktrina ime nuk është imja, por e atij që më ka dërguar.” [Gjoni 7:16 ]

“Burra të Izraelit, dëgjoni këto fjalë! Jezusi Nazareas ishte njeri i dërguar nga Zoti ndër ju me vepra të fuqishme, me mrekulli dhe shenja si kredenciale të tij. Këto Zoti i bëri me anë të tij në mesin tuaj, siç edhe vet e dini.” [Veprat e Apostujve 2:22 ]

“...Njeriu që dëgjon fjalën time dhe beson në atë që më ka dërguar ka jetë të përjetshme.” [Gjoni 5:24 ]

“Kushdo që më mirëpret nuk më mirëpret mua por atë që më dërgoi mua.” [Mateu 10:40, Marku 9:37, Luka 9:48, & Gjoni 13:20]

“...Unë s’kam ardhur nga vetja. U dërgova nga Ai që ka të drejtë të dërgojë, dhe ju nuk e njihni atë. Unë e njoh atë sepse është prej tij që unë vij; ai më dërgoi mua.” [Gjoni 7:28-29]

Jezusi i ngriti sytë drejt qiellit dhe tha, “...Jeta e përjetshme është kjo: të të njoh ty, të vetmin Zot të vërtetë, dhe atë që ti ke dërguar, Jezu Krishtin.” [Gjoni 17:1-3]

Të gjithë ata që udhëhiqen nga Fryma e Zotit janë bij të Zotit. [Romakëve 8:14]

Jezusi i ngriti sytë lart dhe tha, “Atë, të falënderoj që më ke dëgjuar. Unë e di mirë se ti gjithnjë më dëgjon, por i kam thënë këto për turmën që është përreth, që të besojnë se ti më ke dërguar”. [Gjoni 11:41-42]

Kur po bëhej gati për rrugë, i doli përpara dikush me vrap; u gjunjëzua para tij dhe e pyeti; “Mësues i mirë, çfarë duhet të bëj që të trashëgoj jetën e përjetshme?”. Jezusi iu përgjigj, “Përse më quan i mirë? Askush nuk është i mirë, përveç të vetmit Zot.” [Marku 10:17-18]

“Askush prej tyre që më quajnë ‘Zot’ nuk do të hyjë në mbretërinë e Zotit, por vetëm ai që bën vullnetin e Atit tim në qiell.” [Mateu 7:21]

“...Shko te vëllezërit e mi dhe u thuaj atyre, `unë po ngjitem tek Ati im dhe Ati juaj, te Zoti im dhe Zoti juaj.’ ” [Gjoni 20:17]

“Zoti është Zotëruesi im dhe Zotëruesi juaj; ta adhuroni vetëm Atë. Kjo është rruga e drejtë.” [Kuran 3:51, 19:36, & 43:64]

Trinia, doktrina për Zotin që mësojnë të Krishterët që shpall që Zoti është në thelb një por tre në “vetë,” Ati, Biri, dhe Shpirti i Shenjtë - as fjala Trini, as doktrina e qartë si e tillë, nuk gjenden në Besëlidhjen e Re, e as Jezusi dhe ndjekësit e tij nuk kishin për qëllim të kundërshtojnë Shema-në në Besëlidhjen e Vjetër: “Dëgjo o Izrael: Zoti Perëndia ynë është një” (Ligji i Përtërirë 6:4). [Enciklopedia Britanika, 1975]

Vdekja e Jezusit

Kjo ka qenë tema më kontroverse në botë. Kodi matematikor i mrekullueshëm i Kuranit tash ka dhënë përgjigjen përfundimtar për këtë temë:

Shpirti i Jezusit u ngrit, d.m.th., ai u vu në vdekje para arrestimit dhe kryqëzimit të trupit të tij. Pra, keqtrajtuesit e tij e arrestuan, torturuan, dhe kryqëzuan një trup të zbrazët – Jezusi veç kishte shkuar në botën e shpirtrave (3:55, 4:157).

Ata thurën kurthe dhe planifikuan, por gjithashtu bëri edhe Zoti, dhe Zoti është planifikuesi më i mirë. Pra, Zoti tha, “O Jezus, Unë po të vë në vdekje, dhe po të ngris te Unë; do të të shpëtoj nga mosbesimtarët.” [Kuran 3:54-55 ]

Ata pretenduan që e vranë Mesinë, Jezusin, të birin e Marisë, të dërguarin e Zotit! Në fakt, ata nuk e vranë atë; nuk e kryqëzuan atë; ata u bënë të besojnë që bënë ashtu. [Kuran 4:157]

Sa mirë që Zoti i ka dhënë gjeneratës tonë një shembull të sotshëm të një personi shpirti i të cilit e la këtë botë, por trupi i tij vazhdoi të jetojnë për 19 muaj. Më 25 Nëntor, 1984, mjekët te Spitali Humana të Louisville, Kentucky hoqën zemrën e sëmurë të Z. William Schroeder-it dhe e zëvendësuan me një pompë plastike dhe metalike (THE NEW YORK TIMES, e Hënë, 26 Nëntor, 1984).

Në ditën e 19 pas këtij operacioni historik – të Enjten, 13 Dhjetor, 1984 – Z. Schroeder, shpirti, personi i vërtetë, e la këtë botë. Z. Schroeder vdiq. Por trupi i tij vazhdoi të funksionojë me zemrën artificiale të futur në trupin e tij. Botës iu tha që “ai mbase pati infarkt” (THE NEW YORK TIMES, 14 Dhjetor, 1984). Vetëm një ditë para largimit të Z. Schroeder, ai bisedoi me Presidentin Ronald Reagan në Televizionin kombëtar [SHBA], dhe kërkoi që Administrata e Sigurimit Social t’ia dërgoj atij çekun e vonuar. Ai ishte krejtësisht vigjilent. Nga momenti “që pësoi infarkt,” ai nuk njihte ditën as kohën, as anëtarët e familjes së tij. Në fakt, Z. Schroeder nuk ishte më në këtë botë.

Ungjillët e thonë qartë që trupi i arrestuar i Jezusit ishte i pavëmendshëm për ngjarjet rreth tij:

Ndërkohë krerët e priftërinjve e akuzonin Jezusin për shumë gjëra; Pilati e morri në pyetje përsëri: “Nuk po përgjigjesh fare? Shih për sa gjëra të akuzojnë!” Por për çudi të Pilatit, Jezusi nuk u përgjigj më asgjë . [ Marku 15:3-5 ]

Kur Herodi pa Jezusin, u gëzua shumë; prej shumë kohësh ai donte ta shihte, sepse kishte dëgjuar shumë për të dhe shpresonte të shihte ndonjë mrekulli të kryer prej tij. Ai i drejtoi shumë pyetje, por Jezusi nuk u përgjigj fare. Ndërkaq krerët e priftërinjve dhe skribët rrinin aty dhe e paditnin me furi. Atëherë Herodi, me ushtarët e vet e trajtuan me fyerje dhe tallje. [ Luka 23:8-11 ]

Shpëtimtari më tha, “Atë që e ke parë në lis, të kënaqur dhe duke qeshur është Jezusi i gjallë. Por ky në duart dhe këmbët e të cilit ata ngulin gozhdët është pjesa trupore. [Apocalypse of Peter, VII, 3, 81] nga LIBRARIA NAG HAMMADI (Harper & Row, 1977, James M. Robinson, ed, Faqe 339).

Faktet që (1) shpirti i Z. Schroeder iku në ditën e 19 pas operimit , dhe (2) trupi i tij mbijetoi për 19 muaj, janë kujtesa të çuditshme që Zoti deshi që bota të dijë ngjashmërinë mes situatës së Schroeder, dhe dokumentacionit të vërtetuar për ikjen e Jezusit para arrestimit, torturimit, dhe kryqëzimit të trupit të tij të pa shpirt.