SHTOJCA 34:

Djemtë dhe vajzat e besimtarëve të vërtetë duhet të mësohen që lumturia e tyre përgjatë jetëve të tyre varet në ndjekjen e ligjit të Zotit dhe në ruajtjen e dëlirësisë së tyre. Kjo do të thotë që ata duhet ta mbajnë veten vetëm për bashkëshortet/bashkëshortët e vet, dhe të mos e lejojnë askënd tjetër t’i prekë ata në mënyrë seksuale (23:5-6, 24:30, 33:35, 70:29-30).

Shoqëria e sotme është përplot joshje të fuqishme. Në shoqërinë Shqiptare të fillimit të mileniumit të ri, madje edhe prindërit fillojnë të flasin për ‘frajera’ për vajzat e tyre dhe ‘femna’ për djemtë e tyre. Kur ata arrijnë adoleshencën, shumë prindër madje edhe furnizojnë mënyra të ndalimit të shtatzënisë për fëmijët e tyre. Një përqindje alarmante e adoleshentëve janë seksualisht aktiv, edhe pse ata nuk janë fiziologjikisht të pjekur, dhe pa kurrfarë kufizimesh morale. Mijëra shtatzëni të paligjshme dhe tragjedi të ndërlidhura me to, plus mijëra aborte tragjike, ndodhin çdo muaj në Shtetet e Bashkuara të Amerikës.

Mes rrjedhojave të kësaj prishjeje morale janë: fëmijë pa dashje dhe pa përkrahje, baballarë fajtor dhe të papërgjegjshëm, kriminelë që nuk kanë respekt për jetët dhe pronat e njerëzve, miliona mospërshtatjesh shoqërore, urdhje gjenitale të pashërueshme, lythe gjenitale të pashërueshme, frëngjyza (STD-ja) dhe gonorre shkatërrimtare, displesia, SIDA vrasëse, dhe sëmundje të reja që nuk janë njohur më parë.

Çka shumica e njerëzve nuk e dinë është që kjo prishje morale iu kushton atyre shtrenjtë dhe ku dhemb shumë përgjatë jetëve të tyre. Se ligji i vetëm që e sundon botën është ligji i Zotit, dhe këto shkelje flagrante të ligjit të Zotit iu kushtojnë atyre me shumë vuajtje dhe probleme (20:124).

Besimtarët e vërtetë që ua ndien për fëmijët e vet do i këshillojnë ata dhe t’ua kujtojnë shpesh dhe me këmbëngulësi (20:132) që ta mbajnë dëlirësinë. Kjo do të thotë të rrinë të virgjër deri në natën e tyre të martesës, pastaj të rrinë besnik ndaj të shoqes apo të shoqit të vet – duke mos kryer marrëdhënie jashtëmartesore – për të mirën dhe lumturinë e vet. Këshilla e Zotit për ta mbajtur dëlirësinë tonë, para dhe pas martesës, është në dobi tonën. Zoti është ai që e ka në dorë shëndetin, pasurinë, dhe lumturinë ose vuajtjen (53:43, 48).