SHTOJCA 4:

Mësojmë nga 41:44 se besimtarët e sinqertë kanë qasje në Kuran, pa marrë parasysh gjuhën e tyre amtare. Mosbesimtarëve, në anën tjetër, nuk iu lejohet qasja në Kuran, edhe nëse ata janë profesorë të gjuhës arabe (17:45, 18:57, 41:44, & 56:79).

Arabishtja është gjuha më efikase në botë, posaçërisht kur vjen puna te formulimi i saktë i ligjeve. Pasi që Kurani është Kod Ligjor, ishte me rëndësi që ligje të tilla të formuloheshin qartë. Zoti zgjodhi arabishten për Besëlidhjen e Tij të Fundit për shkak të arsyes së dallueshme që ajo është gjuha më e përshtatshme për atë qëllim. Arabishtja është e veçantë në efikasitetin dhe saktësinë e saj. Për shembull fjala "they (ata, ato)” në Anglisht nuk të tregon nëse "they (ata, ato)" janë meshkuj ose femra. Në arabisht ekziston "they (ata)" për meshkuj, "HUM," dhe "they (ata)" për femra, "HUNA." Madje ekziston edhe një "they (ata)" për dy meshkuj, "HUMA," dhe "they (ato)" për dy femra, "HATAN." Kjo veti nuk ekziston në asnjë gjuhë tjetër në botë. Arrita ta çmoj efikasitetin e gjuhës arabe kur e përktheva, për shembull, 2:228. Kjo strofë e urdhëron të shkurorëzuarën që të heqë dorë nga dëshirat e veta për tu shkurorëzuar nga burri i saj, nëse ajo kupton që është shtatzënë, dhe i shoqi dëshiron të pajtohen – mirëqenia e bebes ka përparësi. Efikasiteti i gjuhës arabe ishte tejet i dobishëm në formulimin e këtij ligji. Cilado gjuhë do e bënte atë gati të pamundur që të theksohet dëshirat e kujt duhej të zëvendësohen, së paku jo në aq pak fjalë siç e shohim në 2:228.

Fjala "kalata", e 28:23, që është vetëm një fjalë për shembull, përkthehet në katër fjalë të Anglishtes: "the two women said. (ato dyja thanë)” I tillë është efikasiteti i gjuhës arabe.

Një arsye tjetër e mundshme për zgjedhjen e arabishtes është fakti që fjalët "Ai" dhe "Ajo" nuk nënkuptojnë patjetër gjini. Pra, kur përmendet Zoti si "Ai,” kjo nuk nënkupton gjini aspak. I madhëruar qoftë Zoti; Ai nuk është as mashkull, as femër. Përdorimi i "Ai" për ta përmendur Zotit në gjuhën Angleze, për shembull, ka kontribuar në një përfytyrim të gabueshëm të Zotit. Aq më shumë, kjo nuk u ndihmua aspak nga shprehjet e shtrembëruar të tilla si "Ati" kur i referohen Zotit. Askund në Kuran Zoti nuk përmendet me ”Ati”.